ek naya aagaaz karo
mujhe mat yaad karo
kyu hoti hai jung ? yeh main bhi socha karta tha
zindagi jane ke dar se main bhi kabhi darta tha.
per jab ghar pe ho hamla
toh phir kaise bardash karo..?
yu ghoot ghoot ke darne se marna accha hai
prashna chinha sa chehra chod kar
ab sawaal karna accha hai
apne andar ke tufaan ko
andar se aazad karo
ek naya aagaz karo
mujhe mat yaad karo
meri toh ran bhoomi hi karm bhoomi hai
is parivartan ke yagya main , mera jeevan ek aahuti hai
per ghar per dar kar, kuch na kar kar
meri aahuti na barbaad karo
mujhe mat yaad karo
ek naya aagaz karo
mere jaane ke baad ab sab tumhare haath hai
aage kya hoga ab is ka jawaab tumhare pass hai
bahut hui fariyaad
ab fariyaad nahi aawaaz karo
ek naya aagaz karo
mujhe mat yaad karo
Tuesday, December 23, 2008
Monday, August 25, 2008
Subscribe to:
Posts (Atom)
